بدون سياسه دردشه قبل النوم منشور طويل لكن واقع..
كنت استورد بضاعه في 2009و2010 من سوريا وخلال عشرين يوم وهي في اليمن وبعدذلك توقفنا بسبب القريح والحرب عندهم وعندنا وفي عام 2014طلبت بضاعه جلست شهر ونصف في الطريق لوماوصلت اليمن وفي عام 2016 شهرين وفي عام 2019 سته اشهر لوماوصلت اليمن وجمارك مرتين اوثلاث وسعر الشحن 3اضعاف وتوصل لاداخل مخزنك وماعاد. تريدها من الدردحه والبهذله والمصاريف لها وفي عام 2020 وقفنا الاستيراد رغم ان المنتج مطلوب لكن عذاب العذاب وملاحقه الان ترسل رساله لاعدن يطلبك الزبون ويقولك بكم السعر تقوله بمبلغ كذا يقولك بعملتنا اوعملتكم قلت بعملتنا قال ماعندنا منها وانا قلت ماعندنا بضاعه ومن شبوه يطلب ذلك ومن مأرب ويشكو من مشكله اسعار الحوالات الخياليه بسبب العمله الصغير والكبير ونترك البيع والشراء في ذلك والسبب اختلاف السياسيون على حساب المواطن كنت اسافر طيران صنعاء القاهره القاهره دمشق والعوده بمايعادل 100دولار سعر اليوم وعاد فيها بوفيه مفتوح ليوم في القاهره وقبل كم يوم حجزت من صنعاء لاعدن سياره ب 250 دولار ذهاب وعاده مدري كيف الطريق وماسافرت وخصم عليا خمسين دولار كنت ارسل عسل لقريب 25دوله منها دول الخليج ودول اخرى عبر البريد اليمني وتروح طيران ومن الباب للباب اوعبر شركات الشحن العالميه ايام وبالكثير 3الى 5ايام وتوصل كماهي الآن كل ذلك بح والحمدلله الان تريد ترسل رساله لاتعز يقول لك مكتب الشحن تريد الحوبان اوتعز المدينه قلت ليش فيه اختلاف يقول الحوبان بعد يوم والسعر كذا والا المدينه يومين والسعر ثلاثه اضعاف كنت احصل عبوات للشحن فاخره من اي محل في شارع تعز وسعرها 1200 تخص العسل والبن والزبيب واللوز الان قيمتها قريب 10 الف ومعدومه وماحصلنا اي عبوه لافاخره ولايمنيه ولاخارجيه الحمدلله اولا وأخيراً اننا صامدين وعايشين ونحن في مجال العمل الحر من زمان بنمشي حالنا والحمدلله دائما وأبداً طيب كيف وضع المدرس الجندي الارمله اليتيم من الواقع الذي نحن فيه هذا واقعي وملايين اليمنيين كذا من المهره الى عدن الى تعز الى مأرب الى الحديده الى صنعاء كان المسافر والمغترب يسافر ساعه عبر الطيران وهو في بلد الاغتراب والعكس صحيح الان يحتاج اسبوع للسفر والطريق يا حفره يانهب يا حادث ياحض يانصيب يصل بين عياله اوفي غربته يكفي والله يكفي العذاب هذا نريد نعيش ماتبقى من اعمارنا ولوسنه بدون عذاب وملاحقه #الامان_من_الإيمان #وقف_الحرب_من_الايمان